TOP

,,ნელ-ნელა ვიხოცებით… ვაქ­ვეყ­ნებ წე­რილს, რო­მე­ლიც სუ­ლის­შემ­ძვრე­ლია და ხე­ლი­სუფ­ლე­ბის სა­ყუ­რა­დღე­ბო!”

პარ­ტია „სა­მარ­თლი­ა­ნო­ბის­თვის“ ლი­დე­რი, და­მო­უ­კი­დე­ბე­ლი დე­პუ­ტა­ტი ეკა ბე­სე­ლია “facebook” – ის პი­რად გვერ­დზე აქ­ვეყ­ნებს წე­რილს, რო­მე­ლიც სა­ვა­რა­უ­დოდ, ოკუ­პი­რე­ბულ ახალ­გორ­ში მცხოვ­რებთ ეკუთ­ვნით, რომ­ლე­ბიც იქ არ­სე­ბულ უმ­ძი­მეს სი­ტუ­ა­ცი­ა­ზე წე­რენ:

“ვაქ­ვეყ­ნებ წე­რილს, რო­მე­ლიც სუ­ლის­შემ­ძვრე­ლია და ხე­ლი­სუფ­ლე­ბის სა­ყუ­რა­დღე­ბო! მთხო­ვეს კონ­ფი­დენ­ცი­ა­ლო­ბა და­ვიც­ვა ავ­ტო­რის მი­სი­ვე უსაფრ­თხო­ე­ბის გამო”.

,,მივმართავთ დამოუკიდებელ დეპუტატს ეკა ბესელიას, თქვენ მაინც მიაწვდინეთ ჩვენი ხმა ხელისუფლებას და მთავრობას!

რაც, სოფელ ჩორჩანაში საქართველოს მხარემ ბლოკპოსტი გააკეთა, მას შემდეგ ოსებმა გადაკეტეს საზღვარი და არავის აღარ უშვებენ. ახალგორსა და რაიონის ყველა სოფელში კატასტროფული მდგომარეობაა. 1500-ზე მეტი მოსახლეა ჩარჩენილი და ფატობრივად მძევლად ჰყავს ოსურ მხარეს. არა აქვთ ოსური ანუ რუსული პასპორტები.

აქედან გამომდინარე არც პენსია აქვთ და არც სხვა რიმე დახმარება. ისინი ძირითადად დამოკიდებულნი იყვნენ ქართულ პენსიასა და სოციალურ დახამარებაზე. 3 თვეა არავის საქართველოს სახელმწიფო პროგრამით არ უსარგებლია. არც პურის, არც შეშისა და არც წამლის ფული არა აქვთ.

დადიან მშივრები და გაყინულები და ალბათ ნელ-ნელა ყველა დაიხოცება. არის ოჯახი, სადაც ერთი მოხუცია დარჩენილი. არიან ლოგინად ჩავარდნილი მოხუცები, რომლებსაც მომვლელიც კი არავინ ჰყავთ. ასევე, არიან ჩარჩენილი სტუდენტები, რომლებსაც სწავლა შეუწყდათ, რადგან საზღვარზე არ მისცეს გადასვლის უფლება. ასობით ოჯახი გაიყო და გაიხლიცა, ზოგი ქალი აქეთ არის და ქმარი იქეთ და პირიქით.

ენატრებათ შვილები და შვილიშვილები. არიან უმძიმესი ონკოლოგირი ავადმყოფები, რომლებსაც შეუწყდათ მკურნალობა და იტანჯებიან ტკივილებისგან. პროდუქტი ცხინვალიდან ჩამოდის და იმდენად ძვირია, რომ გაღარიბებული და გაღატაკებული ხალხი ვერც ყიდულობს და ფაქტიურად შიმშილობენ. სამედიცინო პირველადი დახმარებაც კი არ არსებობს.

გვიშველეთ რამე, სანამ ხალხი დარდისგან, შიმშილისგან, ავადმყოფობისგან და სიცივისგან არ დავხოცილვართ! გთხოვთ, ეს წერილი გადაუგზავნეთ ყველას, ვისთანაც ხმა მიგიწვდებათ, აქედან ჩვენი ხმა არავის ესმის.

მივმართავთ ხელისუფლებასა და მთავრობას, ვინმეს გაქვთ ჩვენი დარდი? ჩვენ არ ვართ ქართველები? ჩვენ არ ვართ საქართველოს მოქალაქეები? თუ მოგვიძულეთ და გაგვწირეთ, ესეც ვიცოდეთ და სასწაულის იმედი მაინც აღარ გვექნება. გვიშველეთ, სანამ სული გვიდგას, ვიხოცებით… დავიღალეთ წამებული ცხოვრებით”, – ციტატის დასასრული.

ვაქვეყნებ წერილს, რომელიც სულისშემძვრელია და ხელისუფლების საყურადღებოა! მთხოვეს კონფიდენციალობა დავიცვა ავტორის…

Posted by Ekaterine Beselia on შაბათი, 30 ნოემბერი, 2019

ახალგორში არსებულ სიტუაციის შესახებ, სამოქალაქო აქტივისტი თამარ მეარაყიშვილი 3 თვეა სოციალურ ქსელში სხვადასხვა სახის ინფორმაციას აქვეყნებს.

,,ქმარი ვერ წავიდა ცოლის დაკრძალვაზე, შვილები ვერ ჩამოვიდნენ დედის დაკრძალვაზე, ძმა ვერ წავიდა დის დაკრძალვაზე, შვილი- დედის. შვილები და შვილიშვილები დედის და ბებიის დაკრძალვაზე ვერ წავიდნენ, კაცი მეზობლებმა დაკრძალეს- არც ოჯახის წევრებს მიეცათ ჩამოსვლის უფლება და არც მკვდარი გადაეცა ოჯახს… ვინმე თუ ყველაზე მძიმე პერიოდის გახსენებას მთხოვს- ამას გავიხსენებ”, – წერს თამარ მეარაყიშვილი ახალგორიდან.

როდის გაიხსნება საგუშაგო ,,რაზდახანი”

გამყოფ ხაზთან, ახალგორის რაიონის სოფელ რაზდახანთან ერთადერთი საგუშაგოა, რომლითაც ადგილობრივ მცხოვრებლებს, განსაკუთრებით, ეთნიკურ ქართველებს თბილისთან მიმოსვლის საშუალება აქვთ. ეს საგუშაგო, 2019 წლის 30 აგვისტოს შემდეგ, ჩაიკეტა. დე-ფაქტო სამხრეთ ოსეთის რესპუბლიკის უშიშროების კომიტეტის განცხადებით, საგუშაგოს დაკეტვა უკავშირდება ჩორჩანაში ქართული პოლიციის ბლოკპოსტის მოწყობას. ცხინვალში აცხადებენ, რომ ბლოკპოსტი ოსურ სოფელ წნელისთან (უისტა) უკანონოდ ააშენეს, რადგან ეს ტერიტორია ზნაურის რაიონს ეკუთვნის.

თბილისის ჩორჩანა-წნელისს შორის მოწყობილ ბლოკპოსტის აღებას არ აპირებს. სანაცვლოდ, დე-ფაქტო რესპუბლიკის წარმომადგენლებმა, რუსი სამხედროების დახმრებით, ხაშურის მუნიციპალიტეტის სოფელ ყობის მიმართულებით მდებარე მთის მწვერვალი დაიკავეს.

მსგავსი მასალები