ბავშვები

“ების დედამ გამოუცხადა, ჩემი 4 წლის გოგო ცოლად უნდა მოიყვანოო” – უჩვეულო ქორწილი

4 წლის ები ლეიკემიის უმძიმესი ფორმით იტანჯება და დაბადებიდან თითქმის სულ კლინიკაშია გამოკეტილი. ამ საშინელი დიაგნოზის მიუხედავად, სულ იღიმის და ხალისია.

მკურნალობის მორიგი კურსის გავლისას, ძალიან მზრუნველი ექიმის ხელში აღმოჩნდა. ები იმდენად მოიხიბლა მისით, რომ დედას გამოუცხადა, ექიმი მეთ ჰიკლინგი ჩემი პრინცია და ცოლად უნდა გავყვეო.

ამ საუბრიდან ცოტა ხნის შემდეგ ექიმი მეთის სახლში ტელეფონმა დარეკა. წარმოიდგინეთ ყმაწვილის გაოცება, როცა ების დედამ გამოუცხადა, ჩემი 4 წლის გოგო ცოლად უნდა მოიყვანოო. ერთი სიტყვით, მალე მთელი კლინიკა დაფაცურდა, რომ ამ საოცარი ქორწინების ინსცენირება მოეწყო. მეთი, რა თქმა უნდა, სიხარულით დათანხმდა ამ მომხიბლავ წინადადებას.

საზეიმო ცერემონიისთვის ყველაფერი მზად იყო. ექიმებმა თავი არ დაზოგეს, რომ საქორწილო გარემო შეექმნათ. ებიმ ლამაზი თეთრი კაბა ჩაიცვა, მეთმაც სმოკინგ-მაისური მოირგო და ცერემონიაც დაიწყო.

ები ნამდვილი პატარძალივით თაიგულით ხელში მიემართებოდა საკურთხევლისკენ. როცა საყვარელ ექიმს მიუახლოვდა, ჰკითხა, ხომ გინდა ჩემი ცოლად შერთვაო. მეთმაც ყოველგვარი ყოყმანის გარეშე უპასუხა “კიო”.

“ჩემს პასუხში ეჭვიც არ მეპარებოდა. ები ჩამეხუტა და მალე ბეჭდებიც გავცვალეთ” – იხსენებს მეთი.

ების ისტორიამ უამრავი ინტერნეტმომხმარებელი აღაფრთოვანა. რა თქმა უნდა, ეს არ იყო ნამდვილი ქორწინება, თუმცა ეს დღე ების და მის ოჯახს სამუდამოდ დაამახსოვრდებათ. პატარა ების ისტორია კიდევ ერთი დასტურია იმის, რომ ყველაზე მძიმე წუთებშიც კი არსებობს მიზეზი, რომ ცხოვრებით დატკბე.

მსგავსი მასალები