საზოგადოება

საქართველოს ზოგიერთ რაიონში ტემპერატურა მკვეთრად მოიმატებს

გარემოს ეროვნული სააგენტოს ინფორმაციით, 17-18 მაისს დასავლეთ საქართველოში შენარჩუნდება ცხელი და უნალექო ამინდი.

„18 მაისს ზოგან იქროლებს აღმოსავლეთის მიმართულების ძლიერი ქარი. 18 მაისს ჰაერის ტემპერატურა დღის საათებში დაბლობ რაიონებში შესაძლოა +34, +39, სანაპირო რაიონებში +30, +35, მთაში +31, +36, მაღალმთაში +27, +32 გრადუსამდე მოიმატოს.

19-20 მაისს დროგამოშვებით იწვიმებს, შედარებით აგრილდება, ტემპერატურა 10-12 გრადუსით დაიკლებს.

18-19 მაისს აღმოსავლეთ საქართველოს ზოგიერთ, 20 მაისს კი უმეტეს რაიონში მოსალოდნელია ხანმოკლე წვიმა ელჭექით, შესაძლებელია სეტყვა. ჰაერის ტემპერატურა ბარში 18-19 მაისს +30, +35, ხოლო 20 მაისს +23, +28 გრადუსია მოსალოდნელი.

თბილისში ღამისა და საღამოს საათებში მოსალოდნელია ხანმოკლე წვიმა ელჭექით. ჰაერის ტემპერატურა 18-19 მაისს +30, +32, ხოლო 20 მაისს +25, +27 გრადუსი იქნება“, – ნათქვამია გარემოს სააგენტოს ინფორმაციაში.

 

მსგავსი მასალები