Face-ამბები პოლიტიკა

თინა ხიდაშელი: “ოცნების” პოლიტიკური დასასრული გარდაუვალია…

საქართველოს ყოფილი თავდაცვის მინისტრი თინა ხიდაშელი სოციალურ ქსელში გუშინ ჩატარებულ არჩევნებს ეხმაურება და წერს, რომ თუ ყოფილი პრეზიდენტი მიხეილ სააკაშვილი გვერდზე გაიწევა და წარსულ დიდებას შეელევა, ოპოზიცია მართველი პარტიის დამარცხებას შეძლებს. თინა ხიდაშელის თქმით, სხვა მხრივ ოპოზიციის გამარჯვება შეუძლებელია.

„თუკი დღემდე ვერ მიხვდით/მიხვდნენ/მივხვდით, ალბათ ასეც დარჩება, მაგრამ მაინც რამდენჯერ უნდა გავიმეოროთ ეს სავარჯიშო, რომ ამოცანა ამოიხსნას: ჯამი ჭურჭელია.

1. მიშა ვერ ამარცხებს ოცნებას;

2. ვერც წარსული ერევა მომავალს;

3. ბიძინას გამარჯვება-დამარცხების გასაღები მიშას უჭირავს ხელში

თუკი მოიკლავს წარსულ დღეებსა და დიდებაზე დარდს, ბედს შეეგუება და გვერდზე გაიწევს ოცნების პოლიტიკური დასასრული გარდაუვალია;

თუკი ჩაებღაუჭება იმას რაც დღეს აქვს მუდამ მდევარის როლში დარჩება, მეორე იქნება, მაგრამ ცვლილება არ იქნება.

ამოცანის გასაღები ნაცმოძრაობაშია და არა ოცნებაში. ესენი სულ ასე იქნებიან, წაგებისთვის განწირულნი მეორე, რაც ბიძინას თავისთავად ტოვებს გამარჯვებულად.

მიშა მისი მთავარი მოკავშირეა ამ ბრძოლაში. როგორც კი ოდნავ გაიწია და მასთგან დაუკავშირებელი ადამიანი დადგა წინა პლანზე, მეორე ტური გვაქვს მთაწმინდაზე ცუდ სიზმარში ვცხოვრობთ, ისევ მიშა გვყავს დასამარცხებელი, ამჯერად ოპოზიციაში, იმისთვის, რომ დამარცხდეს ბიძინა“ – წერს ხიდაშელი.

 

მსგავსი მასალები